ლიანა ჯოჯუა UFC-ში აღარ გამოვა

17-11-2021, 15:23

მოინახულეს: 581

UFC Roster Watch-ის მიხედვით, ჯოჯუა UFC-ის მებრძოლთა შორის აღარაა და მას UFC-ის ოქტაგონზე ვეღარ ვიხილავთ. ლიანამ ბოლო ბრძოლა კორტნი კეისის წინააღმდეგ გამართა და მსაჯების ერთსულოვანი გადაწყვეტილებით დამარცხდა.
UFC-დან გაშვების შემდეგ, ლიანას კარიერის სხვა ორგანიზაციაში გაგრძელების შანსი აქვს. იმედი ვიქონიოთ, რომ ჯოჯუა კონტრაქტს მალე გააფორმებს და „მგელს“ ოქტაგონზე უახლოეს პერიოდში ვიხილავთ.
შეგახსენებთ, რომ ჯოჯუამ UFC-ში 4 ბრძოლა გამართა და 3-ჯერ წააგო. კარიერაში მას 13 ჩხუბი აქვს ჩატარებული და მის ანგარიშზე 8 მოგება და 5 მარცხია. ლიანა მხოლოდ 26 წლისაა და წარმატებული ასპარეზობის შემთხვევაში, შესაძლოა UFC-ში დაბრუნდეს.